ياركني الهادي تراني نصيتك,,ودي اعبر عن خفايا شعوري..ركني الهادي

[رائد العصيمي]

الفكر مشغول والاحوال تعبانة
والدمع خلّص وحزني زايد ن فيني
والهم فيني مثوّر كل بركانة
والغم مثل المياسم فيّ يكويني
والصدر محرق بطيبة كل بستانة
والحظ منكوب فالساحة معنيني
صداقتي في زماني مالها خانة
مابه صديق ن يناجيني ويداريني
كلن تخلى وخلى القلب بأحزانة
لاقلب يرحم فؤادي او يداويني
صداقة ن للمصالح فيّّ مندانة
ياجعلها للقحط لاعاد تلفيني
الناس تجفل لاصرت بحكم ديّانة
تبيعيني في مجال القرش وتشريني
ولاصار قرشك به الخزنات مليانة
هذا يداريني وهذا يناجيني
الروح من منبع الاحزان شبعانة
والعقل يسرح على الفرقا ويضويني
وين انت ياللي غرامك غالي بطانة
ماينشرى من فؤادي بالملاييني
شف روح رائد لوجهك حيل ولهانة
وانته بطيت بغيابك منته تجيني
ياروح روحي وياقلبه وشريانة
ترا التواصل وطاري الود يحييني
اوعدك تبقى معي والروح شفقانة
لو مابقى غير ذكرك بآخر سنيني


بقلمي