سجل حضورك/ي بأبيات شاعر/ه من شعراء المنتدى هذآ ..اتمنى التفآعل،،

[مشعل بن ردمان الحربي]

فهد الهباش

تسلم والله على الفكره

دائماً تعودنا منك الابداع

تقبل مروري

ولي عوده ان شاء الله

 

 

 

 

 

 

 

 

[سعيد محمد القحطاني]

عزالله فكره جميله من شاعرٍ لايجيب الاالجميل
والجماله الوكاد اني معجب بالفكره ولكن
مشكلتي الحفظ ولا القصائد في هذا المنتدى
مميزه من تميز اعضاء هذا المنتدى شكرًا لك
ي مشرفنا العزيز وتقبل تحيات اخوك سعيد ولاهنت

[عاليه]

ياما صبرت وكل ماتخطي اعذرك
واقول لك ياصاحبي روح مسموح

لرائد العصيمي

[عاليه]

تكفى ضمني .. ماعــاد فيني للجـراح .!!
| تعبت |
أجامل وأنتظر .. زود المصايب والمحن .!!


الله اكبر × يازمن × وشلون قلبي [ما أستراح ]
( العيب فيني ) ياترى ولا ( العيوب من الزمن )


محمد الوريكي

[عاليه]

الكســير الي تــمنا مابغاه
أنكسر قلبه قبل كـسر أقـدمه
يوم نادا ماحدن جاوب نداه
غــير هــمه يــوم ضــمه وحـــرمه
اثر صدق ان الهوى ماله نجاه
يوم صدري كـــل مافيه اكتــمه
وش اسوي من عذابي فلحياه
ويش اسوي في أدروبن مضلمـــه.....؟

محمد الوريكي

[عاليه]

~ الدمـع حـالـة تجـسّـد صــورة الـواقـع ~
~ عيني علـى خـدّي اللـّي جرّحـه دمعـي ~
~ ربّـك هـو المعطـي وربّـك هـو النـافـع ~
~ والّا كـلام البـشـر قــد ضاقـبـه سمـعـي ~
~ كـلّ(ن) بمـا نملكـة ياصاحـبـي طـامـع ~
~ والحـاسـد إلـيـا نـوانـا نقمـعـه قـمـعـي ~


فهد بن هباش

[عاليه]

أسمع كلام اللّي بهرجه قد صمل
هرجه كـما نـفـح النـفـل والّا الزبـــاد
واصل على دربك وحذرا لا تــمل
يا قـرب ماتـوصـل لـشفّـــك والمــراد
واحذر تــعوّد مثل بدرن لا كــمل
بـــدا يـــعــــوّد للـتـلاشـــي والنـــفــاد
هذا كلام اللي بهـرجه قــد صمل
شـــاعر يهــيــم ولا يـهـــيم بـكــل واد

فهد بن هباااش

[عاليه]

الناس تنشدني وانا اقول مدري
تقطعت عني توالي اخباره


غير الجدي في موقعه مستقري
يشكي غياب سهيل فاقد زهاره


وان قيل وش عذرك عنه قلت عذري
أبيه دايم في مكان الصداره



قاصد كريم

[عاليه]

ماعاد باقي غير كلمه : يـ الأبــواب ْ
.... كانوا هنا : واليوم رَآحْوا وغابوا

أبوابْ مفتوحه ( درايش ) بلا أحباب !
.... عيون تدمع حزنْ : وعيون ذابوا

أطلال ْ : مِنْ أمس الحِكَـــايَهْ وغِيّابْ
.... الذكريات أطفال ! بالروح شابوا

ماعاد شفنــاهم : ولا ردّوا عتـاب ْ
.... كــ أنّهم مُخْطيــن فينا وتابوا !


جابر اليامي

[عاليه]

اصبحت والقلب الشقي فيه طعنات
ـــــــــــــــــــــ والعين طول الليل تذرف دموعي

تسمر معي نجمات وتغيب نجمات
ـــــــــــــــــــــ وأضحيت وانا مسندي راس كوعي

أقاوي العبرات بجهاد وسكات
ـــــــــــــــــــــ واموت واحيا ما دروا بي ربوعي

أكتم صواب ٍ عاش فالجوف ما مات
ـــــــــــــــــــــــــــ يخف يوم ويمتحني أسبوعي

أصامده حزات وأنهار حزات
ـــــــــــــــــــــــــ والحال مني في نزول وطلوعي

ما افادت العبره وكثر التنهات
ـــــــــــــــــــــــــــ يزيد مع كثر التنهات لوعي

جار الزمان وصابني منه وقفات
ــــــــــــــــــــــــ وانا من المقسوم ماني جزوعي

ابوح لو مابي من البوح ونات
ـــــــــــــــــــــــــــ ونات مظلوم ٍ صداها يروعي


محمد المري