هملتني بين الامل و المحاتاه مدري عدوك صرت ولا حبيبك !

الله خلق لي نفس تسمو على البـوح
ما هي بـ لاضاقت من الهـم باحـت

على كثر ما شفت ضيقات وجـروح
لا الوجه متغير ولا العيـن صاحـت

أبشـرك بشـارة الـروح للـروح ..؟
تبغـي تطيحنـي الليالـي و (( طاحـت ))

هذا أنا والوجـه باسـم ومشـروح
وجها ً بروقه لمعظم النـاس لاحـت

كم محزنٍ بنى على شوفـه أصـروح
وكم نفسٍ من طارف عطاه أستراحت

الله وهبنـا عـز و أمجـاد وطمـوح
وذكرٍ على جـدران الأيـام ناحـت


الصفح خصلة والفخر ما له سطـوح
والحزن لسيطر على الـروح ناحـت

بعض الجروح تجي لك شوي وتـروح
وبعض الجروح إن جات .. ما عاد راحت