هملتني بين الامل و المحاتاه مدري عدوك صرت ولا حبيبك !

سو اللي براسك ولاتذكر أسباب

لاصرت بايعني توكل على الله

مابيني وبينك مشاريه وعتاب

شف دربك اللـي جيـت منـه تدلـه

ماراح تغلبني لو الحب غلاب

من حضرتك علشان قلبي تذلـه

في ذمتي لا اجعلك عبره للاحباب

لين الخليل يتوب عـن جـرح خلـه

زلاتك اللي مانفع فيهن احسـاب

لا جيت أعددهن ثمانين زله

احرجتني بين القرايب والاصحاب

كـن الجفـا سيـف بوجهـي تسلـه

ماكنت اقصر فيك من كثر الاعجاب

يومك تساوي عندي الكون كله

كنت القريب وكلهم كانوا اغراب

حتى القمـر لاغـاب شفتـك محلـه

خلاص لاترجع ترى خاطري طاب

الخاطر اللي كنت عايش بظلـه

رح واعتبرني واحد اذنب وتاب

ماني بثـوب تلبسـه ثـم تملـه

مايجتمع بالحب صادق وكذاب

رزقـي علـى الله وانـت رزقـك على الله