هملتني بين الامل و المحاتاه مدري عدوك صرت ولا حبيبك !

سكينك اللي بقلبي قـد لهـا مـده
لاجيت عقب الغياب ارجوك تنزعها

خلاص هـذي نهايـة قلبـي ووده
وقلبي إليا مل من حاجـه يودعهـا

طوفت لك لين ماصبري وصل حده
ماعاد ينفـع لـو تحـاول ترقعهـا

تعـال خـذ ماتبيـه وخافقـي رده
وخذ ذكرياتك لكن دنيـاي رجعهـا

خلاص آباصد يامعلمنـي الصـده
روحي فراقك ترا ماعاد يوجعهـا

ابوي نقل لي وصاتن قالهـا جـده
ناسن تبيعك برخص بلا ثمن بعهـا