بسكات يغليني وانا حيل مغليه

[بنت شيخ ~>]

ما كنـّي اعرفـه ولا كنـّي ابغيـه
وانا عليه من امّه احـّب واجـرى



ياكثرهـا تسليمـة(ن) يـوم الاقـيـه
لي عين تكتب له وله عين تقـرى



وإن حلّ طاريـه تجاهلـت طاريـه
ماكنّي ادري عنه وانـا بـه ادرى



بسكات يغليني وانـا حيـل مغليـه
لا تيلفـون ولا مواعيـد غــدرى



يصون ودّي عن عذوله واحاميه
وانا عليه احجا من القلب واذرى



حبّ(ن) عفيف(ن) والصراحه سواقيه
في وقتنا ماظنتي زاد يطرى



لا اسولـف بحبـّه ولانـي بكانيـه
وغيري لو انّه يوالفه كـان هـذرى



احشم قريبه حشمـة(ن) لـه واداريـه
واخشا يجي في خاطره شي وادرى



لايحسب انّي يوم قفّيت ناسيه
لعيونه انّي ماتحاليت عذرى



ليت الزمن يرجع وانا اعلمـه ليـه
ولا الحظوظ من المقابيـل تشـرى



كل العذارى في الوفا ماتساويه
كنّه يمين وباقي القيد يسرى



قولوا له اني مارتضي بالبـدل فيـه
لا مال قارون(ن) ولاعرش كسـرى



يرتاح ماغيره مـلآآء عيـن هاويـه
غلاه نهر النيـل والقلـب مجـرى



واكبر دليل اني اليا غـاب احاتيـه
كم لليلة(ن) ماتت على كـف مسـرى



وان قالوا انه شرق وازريت لا اجيه
وجهت وجهي كل ما نمـت حـدرى

 

 

 

 

 

 

 

 

[رمق]

ياسلام عليييك

أحسنتي الاختيآر

ومرحبا بك بينا ..

[رهوفه الملقوفه]

وااااااااو روعــــــــــــــه
تسلمين يابنت شيـخ

[شامان المري]

لــ بنت الشيخ- -يسلموو - - يالغلااااا
ما رأيت حرفا ممتلأ بحرفة الإبداع كحرفش..
إصطفاء كلماتش نقاء..وأمتعتني قراءتها..
فكل الســحر هنا :
مشـآعر من حرير ,
وحــروف سـآحره ..
تنــآثرت بـرائحة الـيـآسمين
أتمنى لش المزيد من الآبداع ..
دمتي بكل خير

[العيون النجلاء]

الله عليك

طرح رائع

[انكسار دمعه]

مبدعه وبان ابداعك في الأختيار ..
تحياتي لشخصك الرائع..

[الملاك الحنون]

ياااااااااالبيه

رووووووعه يسلم ذوووقك

دمتي

[ربشة قطر]

واكبر دليل اني اليا غـاب احاتيـه
كم لليلة(ن) ماتت على كـف مسـرى



صح الله لسان شاعرها
وتسلم يدينج ع الاختيار الذوق
وعساج دوم عالقوه ان شاء الله

[اعشقكـ بسكات]

صح احساسك واعتلا شانك على هذا الاختيار...

قصيدهـ رااائعه لشاعر اروع..
تسلم هالانامل ...
لاعدمنا حديدكـ...
احترامي وتقديري...

[بـن ثانـي]

كل العذارى في الوفا ماتساويه
كنّه يمين وباقي القيد يسرى

صح لسانـه

ولاهنتي على الطرح