حيــاك عطنـا علومــــك

رد: حيــاك عطنـا علومــــك

اليوم معزومين على الفطور ( هذي الآنسه موزه الفرحانه هههههههههه)

من هلة رمضان ماأفطر عندنا أحد !!! غير واحد عابر سبيل

يمكن عشان مافيه غير أمي في البيت مايبون يتعبوها

وكمان حنا من هلة رمضان ماافطرنا عند أحد !!!!

رغم النداءات المتكرره والعزائم المتواليه من كل الأطراف ( تعرفوني لا أرضخ بسهولة أمام المغريات)


فيه وحدةن من عربنا عندها بنات عليهن طبخ مهو صاحي

أمس جانا من عندهم ( سكيبه ) على قولة السوريين

جابوا شوربه ومكرونه وحاجات ثانيه

المهم صحونهم رجعت فاضية وبدون غسيل وقبل أذان العشاء أنا اللي وديتها

طقيت بابهم وطلع الشايب واستحيت من منظر الصحون وانا شايلهم

المهم حلف علي ودخلت واخذ الصحون وجلسنا وتقهوينا وسولفنا ومشيت

قبل امشي عزمني على الفطور ( هذا اللي انا مخطط عليه ) فاعتذرت منه ولكن لزّم علي واضطريت اني اوفق

المهم رجعت لامي وعلمتها قالت ايوالله دورت العزيمه لما حصلتها رح لحالك ماني رايحه معك

هددتها بالاضراب عن العمل ولف السمبوسه اذا ماراحت معي وهذا اللي حصل

المهم بعد التراويح جيتها واقنعتها ووافقت لكن بشرط

الشرط اني آكل بأدب واحترام على شان مايقولوا عني مفجوع يعني شره في الأكل

ووافقت على الشرط ووقعنا العقد واليوم حنا معزومين

دعواتكم بالتوفيق والله يستر













.

المصدر: الملتقى الجماهيري للشاعر محمد بن فطيس المري