على حطة يدك شخص يتبسم .. لو بكا ظله ! " ابراهيم الرشود "

[فوضاويه]

الوطن / ابراهيم الرشود



وطن الشعر


وموطن الذائقه ..





و الأعلى من ذلك رمز للصداقه ,,

أثبتها حينما قال :
















أخٌ لي لم تلده أمي ..

وصديقي قبل ذلك ..

وشاعري قبل هذه وتلك ..

[ عبدالله بن تركي البكر ]





أنا لاطاب بالي من طواريهم يا عبدالله
............جزت روحي عن الشعر وهله .. إلا أنت ياحزامي

ياخوتك و وفاك انها دوا .. وأخوك به " عله "
............تواطت في حشاي مع السقيط من آخر آلامي

ثلاث شهور والحزن يخنقني .. وأبلعه كله
............وكم غصيت .. يالين استكنت ولانت عظامي

يا عبدالله .. وأنا لا احتجت لك ماهوب من قله
............ولكن من طمع في ندرتك .. يالثابت السامي

أعنّ لمجلسك ياظهري وسيفي اللي آسله
............على ناسٍ حاشاك إن شفتها يتجرح صيامي

وأنا مقصر معك .. وأدري .. وتدري منت كفوٍ له
............مقامك من مقام اخواني الغالين .. وأعمامي

عذر .. مدري شفاقه .. ذا رشاي ولو تبي تلـه
............أخوك وماني مخليك لين أرضيك قدامي

منيب اللي ليا من غاب له صاحبه .. وإخوٍ له
............سلا .. لا والله إلا ماسليت .. وتشهد اقلامي

على حطة يدك شخص يتبسم .. لو بكا ظله !
............أنا ابراهيم .. ذا طبعي .. وذا ختمي .. وهندامي




~

 

 

 

 

 

 

 

 

توقيع : فوضاويه

[img2]http://vb.arabseyes.com/uploaded/5_1207047816.jpg[/img2]