محادثه معى الوجدان

[ناصر الشريف]

[poem=font="simplified arabic,6,firebrick,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
حب وحنين ومشاعر ود=تجري بدمي وشرياني

والليل مهما يظل اسود=يبقى معي نور خلاني

اللي غلاهم فلاله حد=واللي هواهم تولاني

قلبي لهم بالولا اتجسد=والصوت بعثر لي احزاني

ما غير اهدي هوى مرتد=ساكن معي جوف وجداني

يا فاتنة قلبي الاوحد=يا اكسجيني وقيفاني

الزين فيها قد اتفرد=ما بين لولو ومرجاني

ضحكاتها تذبح المرتد=وعيونها تزبن الجاني

لا جيت ابا الدين واتشدد=ثم ريتها عدت نصراني

وان مربي طيفها اتوجد=واطيح واحرك لساني

يا الله يوم العرب سجد=من هيبتك يا كريماني

ترعا غزالٍ لها بي حد=محدود يا الله وترعاني

اللي لها قلبي ممرد=قصرٍ لها ساسه اشقاني

اهديتها روح ما تسعد=الا بها والعمر فاني

اشهد علي يا قمر واشهد=يا حب واعلن بما جاني

اني لها جيش ما ينعد=واني لها سرج وعناني

مرسوم بين السلا والجد=ضحكة شفاها والاعياني

ليلى هواها قد اتخلد=وانا لها سقت عرفاني

يا نرجسه ريحها سرمد=ينفح بخورٍ وريحاني

انا لما هاجسي غرد=ما يبدع الا علاشاني

وانا علاشانش اتودد=وتسيل ابداعي الواني

ما عدت اريد ارتخي واشتد=لا لا ولا اترجم الحاني

الا لما هاجسي نشد=وارسل لكم شي عناني
[/poem]