قصائد لم تكتمل ...

[نويـــــر]

[align=center][tabletext="width:90%;background-color:black;border:1px solid silver;"][cell="filter:;"][align=center]

بسم الله الرحمن الرحيم
السلام عليكم ورحمة الله وبركاته
شحالكم أعضاء وعضوات منتدانا الغالي عساكم بخير
طبعا هذي مجموعة أبيات لي وقفت عند هذا الحد من النمو هع
أتمنى إنها تحوز على أعجابكم وإستحساااانكم .......

***************************

أسوق لك عمري وأنا ميّت فيـك
وأرجع وأقول ان الليالي خذتنـي

أما توافيني على الحب وأجيـك
وقدهي على ماقيل صدفة وجتني!

وألا مراح أمقيط يازين يكفيـك
وأنا يعزيني عـن الهـم متنـي

**************************

هاضني زولٍ لمحته من بعيد
..........كنّها سيرة حبيبي لامشا

هيه ياللي فيك من خلي أكيد!
...........لدّ لي ياهيه وأطلب ماتشا

*************************

يعجبني اللي للثقيلات حمّال
شهمٍ شجاع للمطانيخ رايه

آيه مناي وعزوتي ل الزمن مال
وآيه على ماقيل مقصد وغايه

****************************

وينك .؟؟ترى صدك عذاب ونوايح
وبعدك عذابٍ للقلوب المشافيح

من أولٍ العب فنون الروايح
واليوم خطر إني من الهم أصيح

***************************

هاك قلبي وإسجنه بين الضلوع
لاتخلي في فوادي منفعه

ماتمش أطراف كفك هـ الدموع
ولاتزيح الهم وألا تردعه

**************************

مهما ومهما حاولوا ياحبيبي
لاترخي أسماعك ترى مالنا حد

مالي صديق ي كون فعلي وجيبي
يرضون برضانا ويصد من صد!

***************************

أبيك تعشقني على كثر مافيك
وأبيك تاصل بالمواصيل حدك

لاصرت هايم بي وأنا مغرمه فيك
ماهمني لو كان جدي مهوب جدك

***************************

دهاني زماني والقدر مالنا فيه

وياويل قلبي من تهاويل الأصدافي

***********************

أحدٍ يهمه خاطري كلما ضاق
وأحدٍ يساوي فرحتي وإنكساري

وأحدٍ يبيك بيوم خنقات الأرزاق
ووقت السعة ماله مع الناس طاري

************************

أكيد حبك باقيٍ في ضميري
وشهو له تسألني ووشهوله أنساك؟

دامك رضيت بعشقتي ياعشيري
لاسامح الله من يخونك ويشناك

***************************

بعدك عذاب القلب الله يصيبه

والله يصيب اللي على البعد ناوي

مدري أقول فراق خلي مصيبه!

وألا أقول إني على البعد قآوي

تدري وش اللي في بعادك أجيبه؟؟

الصوت لاجرْه الوحيد الخلاوي

وتدري وش أكثر ماتحب الحبيبه؟

كلمة غلا من قلب صادق وناوي

وسوآآآآآآلم .....

[/align][/cell][/tabletext][/align]