شرح قصيدة العقاب للشاعر محمد بن فطيس

[unique brilliant]

يمسّيكم بالعافية
و مشكور يا الغالي على التجاوب الراقي و الحلو
ومشكورة الأخت : الهوى على التعقيب و بصراحة هالتفسير لكلمة "الملة" جديد علي و هو اللي بمعنى النار الرمال الحارقة بعد الضوّ هالمعنى جديد عليه و أشكرج على هالمعلومة
و ترا لو كانت صحيحة فيعني انها هي اللي قصدها بن فطيس دون شك


اخويه "عيوني حزينة"
مادري ليش مافهمتني بالنسبة لــ : بين كفوف ملّة
انا كنت أقصد نفس ما فهمَت اختي "الهوى" أن الملّة تعني الإناء و ما يقصد بها الطائفة والجماعة بس هالخلاف فضته الأخت ووضحت المعنى الجديد بالنسبة لي و هو الرمل الحارق

بالنسبة لــ : لا تشره علي لو لبّسوني غصب حلّه
انا مثل ما قلت لك اعتقد ان محبوب الشاعر كان يقوله : أوعدك اني ما بخونك ولا بتزوج غيرك حتى لو شفت الموت
لكنه فالنهاية يرجع ويبرر و يقوله : شووووف ترا لو زوّجوني بالغصب و من ورا خاطري و لبّسوني حلّة العرس ترا لا تلومني لاني مجبور
لأنه و بكل تأكيد مستحيل الشاعر يشره على حبيبه انّه مات وخلّاه بعد ما يلبّسونه "الحلة" بمصطلحك انته وهو الكفن
خخخخخخخخخ لانه فهذاك الوقت ما بيكون شرهان عليه بالعكس بيكون يترحم عليه

بالنسبة لــ : ظل محبوبه و ظلّه
انا اشوف انه مافي مانع يكون يقصد نفسه لما يقول : محبوبه
يعني يقول بشكل روائي : كنا قاعدين و تكلمنا وتعاهدنا و تفريقنا و مر علينا زمن ولا حد شهد هذاك المجلس الا هو و محبوبه - محبوبه اللي هو أنا "الشاعر"
هاي تصير كثييييير في الأحاديث الروائية و لما الواحد يقص و يتكلم عن نفسه بطريقة المخاطَب
عالعموم هي كذا ولا كذا تمشي لكن انا احتفظ بحق الاحتفاظ برأيي ههههههههههه
و بن فطيس والله انه مدرسة وترا صارت لي كثييييييييير كل مرة اسمع قصيدة اتعلم منها شي جديد و اكتشف معنى جديد و بلاغة جديدة
وهاي القصيدة حكاااااااااااااااااااااية والله
الله عليها بس
آآآآآه بس يوم يقول : و رااااااااحت سنين التلاقي مشيها مشية ثواني
ولا يوم يقول : قلتها له قبل لا بعده على الشعر يحداني
يا جماعة "قبل لا بعده على الشعر يحداني" بروحها تسوى قصيدة كاملة من قصايد الثانيين اللي ما يسوون بيت من أبيات بن فطيس
أشكركم جميييع على تجاوبكم مع مداخلتي و أفخر بالتناقش مع متذوقين للشعر مثلكم
ليتني احصل مثلكم فميلسنا بس كان ما تركته يروح و كل حزة بتناقش وياه نقاش حاد ^_*
معذرة على الإطالة ^^