المراااجل بـعض الأاحـيان تـبطي و تـحضر

اقتباس المشاركة الأصلية كتبت بواسطة راجح دايل المشعلي كل رجل(ن) في مباديه له وجهة نظر = حسب مايملي ضميره وحسب الي يراه الغني يشكي الغنى والفقير من الفقر = و يتلفت ب الغني يوم يشكي وش بلاه و لو يسام العمر و يباع في سوق العصر = باع حتى (خادم البيت) ملكه و شتراه الخطايا تجرح الروح و الدنيا سفر = وقص راس الذيب الأسحم ولا تسمع عواه و كان مالك مع هل المال و القوة ظهر = طمع فيك قصير الشبر ووصى الي وراه الله ماحطك على ساير عباده سبر = ليتك تكب المناقيد و تقيم الصلاه أولتها نفختة الروح و أخرها قبر = و أنتقالك بعدها من حياة اليا حياة ربي اطعمني القناعة ولهمني الصبر = و شايبي تبقي حياته و ترزقني ارضاه الله أعلم وش بقى منك ياتالي عمر = مات راع الزاد ف يده و هو ما وصل فاه علمو طراد الأحلام يربط و يهجر = و يتجمل في رفيقه و ياصل ب قرباه عقب طاها ماحد(ن) مثل (أبوبكر) و (عمر) = و الزمن ترعب صدوفه و يستدرج رحاه في مغبات الليالي و ساحات القدر = سج رجلك ب أرض ربي و عينك في سماه المراجل بـعـض الأحياآن تبطي, و تحضرر = و البحر لو جفت شفاك مايرويك ماه لا تعجل يرزم الغيم و يجيك المطر = وكل شخص(ن) له ميوله و فكره و نتماه غن يا(حماد) مسحوب و أغني شقر = و أن سمعنا نايح الورق جاوبنا غناه عاد ضيقة خاطر الشره لا غاب القمر = ماتفسرها المشايخ و تكرهها الدعاه بري حالي لا ذوى الليل و أنباج السفر = و( أبن دايل ) لا لمع بارق المنشي شعاه !؟ وده ب شي(ن) على البال قافيه الخطر = ونفسه أنه لا بغى الشي ف الدنيا لقاه كل ماسمع ( أبن قضعان ) ولا ( أسمر عبر ) = ضاق صدره و أكتئب من خلاه و في خلاه هيه يلي كل ماغاب و بطى ماحضر = ماخفى عن نظرة الناس عين الله تراه بس لو عندك مبادي ولك وجهة نظر = ماتركتيني يا (جملا) وحيد(ن) ف الحياه

صح الله لسانك وبيض الله وجهك .. يعلم الله انه من اجمل النصوص اللي مرت علي في هذا المنتدى .. ماشاء الله تبارك الله .. اهنيك ياراجح على هذا النص من كل قلبي وعسى عمرك طويل .. شاعر مبدع والدليل هذا النص اللي من زود اعجابي فيه اقتبسته .. تحياتي لك