رشيديات ( شعـر )

[رشيد]

الشوق دمعاته تواسي حنيني




اول وقلبي لك من اعوام شفاف
واليوم ما ودي جروحي تبيني
تقول طمني عسى ما بك خلاف
واكذب عليك أمن الغلا يا ضنيني
وأقول طيب دون ضيق وتكلاف
وانا بسجن الهم عقبك سجيني
وسادتي جرح الغلا والعنا الحاف
والشوق دمعاته تواسي حنيني
يأخذني الهوجاس في كل مشراف
واخفيت همي بين قلبي وبيني
في داخلي يسكن من الهم أصناف
موزعه ما بين قلبي وعيني
الصدر ضايق والحشا صابه اجحاف
والله على هم الليالي يعيني

-

عبدالله داود العصيمي التميمي


.