.. يامتعب الخطوه

[علي المحوري]

يامتعب الخطـوه على الدرب لاهـنت
وشلــون تحـزن والشمال بـ جهـاتك

جرب تمارس ضحكتك وين ما كنت
واحـزان عمــرك ستــرها في عباتك

الــريح قامت وانحنت وانت ما قمت
يـــا حـي لا تنهــار،، قــاوم وفــاتـك

تبــي تــرد الــريح وتبعثــر الصمت
ان مـالـقت بـك روح شـالـت رفـاتك

يـاكبــرها لا صـاح داعيك وين انـت
وجــا ينتخيــك ولا لقــا الا عصـاتك

أدري وصلت آخرمدى الصبروتعبت
مــابـه نكـد فــي رحلـة الـهـم فــاتـك

وانــا بعـد خــاويـت الايــام ونــدمت
الله كــــم تــشبـــه حـيـاتـي حـيـاتـك

هـذا زمــان الـهم، والـفقــر، والكبت
مـاهــو زمـن سـم، وتـدلـل، وجـاتك

امـا انـت في واقعـك سـلمت وآمـنت
والا اعترضت وعشت في ذكـرياتـك

يـا متعب الخطــوه بوجهــك تـمعنت
لـونـك ظهـرلـي وادهشتني صفـاتـك

لــو المــرايـا منصفـــه مــا تلــونـت
كـنت ابيضٍ من مـولـدك لـي ممـاتك

بعض المـرايا تعكسـك مثـل مـا أنـت
والا بـعضهـا، مـا يـــوريــك ذاتـــك

الشاعرالجميل: مهدي بن سعيد