لاباس ياقلب ن ممتلي هم لاباس

[مسعود ال رشيد]

ياذيك العيون اللي وسعها وسع فنجال
وانفاسهـا تشبـه ذعاذيـع نسنـاس
قلبـي يابنيـه مـن الحـب مهتـال
كم له من سنيـن و مشاعـره يبـاس
جذب قلبي حـلاك واشغلتـي البـال
يامن تبارق فـي معاصمـك الألمـاس
الحـب مـره واكثـر الهـم قتـال
والضيق في صدور الرجاجيـل كبـاس
مايستـوي عريـب العـم والخـال
في اللـي يجاكـر البنـت باللبـاس
غلطان ياللي تجازي القلـب بهمـال
ليتـك تداريـه بعـذ ب الارمـاس
ياوين ابلقى قلب ن للثقيلات يشتـال
يقضي اللزوم بطيـب راس و تحمـاس
وابدل له ركـوك الابيـات بجـزال
للخبـث نبـاش وللطيـب عسـاس
بعض الرجاجيـل للطيـب ماطـال
ضايع وفي هرجـه مخاسيـر وافـلاس
العقول اللي تمتلـي زيـف و خبـال
عز الله انهـا فـي المواقيـف تحتـاس
من بغـى العـز مايلقـاه فـي مـال
العز يلقا فـي فعـول ترفـع الـراس
لاتحسبنـه فـي الدلـع والتريـفـال
تـراه فـي قـوة القلـب والـبـاس
قلـب الرجـل درع ن وسـربـال
وقلب المره مـن الضعـف حسـاس
لاشفت في دنيـاك غرابيـل واهـوال
وصرت في دنيـاك ضايـق ومحتـاس
والهم عين للصدرك دروب ومدخـال
لاتبـدي الهـم والضيـق للـنـاس
ولاتشتكي للي يهمك امره عن الحـال
لاباس ياقلب ن ممتلـي هـم لابـاس
ارفع يدينك للي ثبـت الارض بجبـال
بكاف ونون يشيل هم قلبك من الساس

تسلم يارشيد اسعدني حضورك لا خلا ولاعدم