تحذرو من بايعين الحباري .. بن فطيس

[مركاز]

تحذروا من بايعين الحباري
وتحملوا من غشهم ياصقاقير

فاضي عمل ويجيك سارح وساري
ويركب الليتات تحت المداقير

ايبيعها فالجو لجل المصاري
ويبيع ثرها لجل حب الدنانيير

وان افلس من اللفو جات المشاري
فك العلومه تمسي وتصبح اتسير

ايفكها عقب العشا فالغداري
ويصبح هو وربعه لثرها مداوير

ويدعيك وانت اتجيه كنك انتحاري
وتاتي من ارض ونايه اطير ومغير

وان صدتها يصبح من الصدق عاري
فتش وتلقى الكرش حمص وجرجير

طاح الحيا في قافرات الصحاري
وخلا الصحاري الجرد عشب ونوواير

وقفيت مغباشي على الجي مساري
بطيور ماتعتق وربع مناعير

وخذنا شهر بين الروض والخباري
وبين السيوح وبين حمر الدعاثير

ولا لقينا الصيد ماني بداري
يمكن حن في دار عن دارنا غير

ياما لقيناها ورى ابرق حباري
ويما قنصناها ع حد خرخير

واليوم ماللصيد فالقاع اثاري
ودار البدو ماعاد فيها عصافير

تكفى يابو نايف ترا الوضع طاري
نبغيك تفزع للصقاقير والطير

الطير مطلاعه تحول تجاري
ممنوع لا يطلع ويطلع بتخدير

والى طلع ماجاك سالم وباري
انًما ذبحه البنج فالريش تكسير

لو يلزم تعقد اجتماع وزاري
وتشوف حل لبيعهم للمخامير

دام انت يامحمد حزام الطواري
وابوك قدامك يفل الطوابير

وجدك تهابه ضاريات الضواري
ويمناه تفعل مثل فعل البواتير