مبعثــــرهـ بقطرآت •«•• مطـــر ••»•

من واقع اعيشه مع الوقت والناس
ومن واقع ان الظلم حاصل وموجود


ومن واقع إن الكذب ملجأ من الياس
ومن واقع إن الطيب راعيه محسود


يبقى ردي الساس دايم ردي ساس
لكن عريب الساس بالطيب مشهود


ويبقى ضعيف النفس راضي وينداس
ويبقى عزيز النفس بالعز موعود


عمر الفقر ماكان للناس مقياس
كم من فقير وعزته مالها حدود


وكم من غني بالشح يشعر بالإفلاس
محروم من ماله وعايش بلا فود


أحيان اقول ، إني أبالغ وحساس
واحيان اقول إن الوفا صار محدود


بين الأمل والياس زفره بالأنفاس
وبين الصبر والحلم شرهه ومنقود


وبين الشقا والجرح دمعه وهوجاس
وبين العنا والوقت ميثاق وعهود


بس الأكيد إن الردا طبع الأنجاس
والطيب ميزه ، ميزت راعي الجود


متعب الثقيل