ياللي بوسط احشاء قلبي تسللت .. مصافحة بعد الغياب

[رائد العصيمي]

مدخل :
ياحبيبي صدتك تجلب الموت الهلاك
معنوية رائد العذب بعدك هابطة
شوفني يمك اسوف العمر كله فداك
وانت مدري ليش وصلك وقربك رابطة

سلام عليكم

مسائكم ورد يارب .. اخباركم ؟

مصافحة جديدة لعلها تستطيع تقديم العذر على الغياب الطويل

يقول

ياللي بوسط احشاء قلبي تسللت
بسألك لكن لايطوّل جوابك
كنت انتظر رجعتك لكنّ طوّلت
قلي علامه ليش طوّل غيابك؟
ان كان عن موضع غرامي تحوّلت
قلي من الاول معي ويش جابك؟
شفني على عهد المحبين لازلت
الارض ارضك والسحابة سحابك
ثابت غرامك لاتغير ولاملت
لو كان دونك كل الايدي تشابك
ياما وياما في غيابك تحملت
كثر السهر دمع القهر واكتئابك
مجروح جرح ن فوق مالا تخيلت
والكل ينشدني ( آفا ويش صابك؟ )
حاولت ابدّل راحتي عنك مااحتلت
ياكثر مااذكر في قصيدي عتابك
ابغيك ترجع بس يالغالي وش قلت؟
ترا دواء جرحي بحضرة جنابك
انا اشهد انك في حشاية تسللت
لكن طلبتك لا يطوّل جوابك

وسلامتكم

مخرج

تدري ويش اوصف شعور رائد في لقاك
المشاعر كنها جيش وقلبي ضابطة
انت بس اقرب وقربك يسبب ارتباك
لجل عينك كلبوها تجيك مرابطة

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]