اساسا مانسيتك

[عبدالله السفياني]

اساسا مانسيتك لاتقول اني تذكرتك=انا اصلا في حياتي ياحبيبي مستحيل انساك
حروف اسمك ليامرت على سمعي تصورتك=وصفيت المشاعر في خفوقي كلها لرضاك
لقيت ابك الشروط اللي على البال وتخيرتك=جمال وخلق جامعهن سوا سبحان من سواك
تقهو من المودة كيف واقدع بالهنا وارتك=وسولف بالغرام اللي يسلي خاطري وياك
هموم البعد والاشواق تسهرني ومسهرتك=انا مشتاق لوصالك وابي قربك وابي لقياك
ولو تحرق كروت اهل المحبة ماانحرق كرتك=تمر الذكريات وتختفي واعيش مع ذكراك
عسى الله مايواخذني صحيح ابطيت مازرتك=عزاي انك تقدر حالتي والسر مايخفاك
ظروف الوقت والاعراف تجبرني ومجبرتك=على كتم الغلا خوف(ن)من الشكاك والأفاك
متى تصفي لنا الايام واحظى في مجاورتك=على السنه يميني تهتني بمصافحة يمناك



الشاعر عيد المطيري