اسيرك يالعيون الي بزين الكحل مليانة

[البــراق]

السلام عليكم ورحمة الله وبركاته

هذي اول مشاركه لي اتمنى ان تنال اعجاب ذائقتكم الجميله

*
*
*

عيونك يالمهاة الي تناظروالرموش سيوف

سهت فيها القلوب الي سعت للموت شفقانة


على حد الهدب ذابت ومدت للهلاك كفوف
تصافح به هدب عين خلقها الله نعسانة


دعاهاداعي عيونك ولبت بالنظر والشوف
سرقها رمشك الساهي وعين بعين هيمانة


ترامن ناظرعيونك يشوح بناظره مكسوف
تموت من الخجل عين تساطع عين شيهانة


وانامن نظرت عيونك وقعت بساحتك مكتوف
اسيرك يالعيون الي بزين الكحل مليانة


تحت جيش الرموش الي مثل جندالحرس مصفوف
وقع قلب الغرام الي غدى للرمش نيشانه


تبعتك بالهوى نظرة على درب الغلا ملهوف
تسابقني خطى قلب على لاماك ولهانة


على سكة هواك امشي وانابين الرجاءوالخوف
عسى شوقي يوصلني لدرب صرت عنوانه


دخيل عيونك الحلوة الاياضامر السرجوف
تروف بحال من شرع لسهم الحب بيبانه


الاياطاغي النظرة مدام ان الهوى مكشوف
تعال نغني ابيات القصيد بأعذب الحانه

 

 

 

 

 

 

 

 

توقيع : البــراق

[flash=http://dc15.arabsh.com/i/02654/cx97xciuk8em.swf]WIDTH=650 HEIGHT=350[/flash]