ما اخوف الليل دونك!!

[السيد رضا السيد الهاشمي]

......ما اخوف الليل دونك كاس مليان هم
......................اشربه وانته عمرك شفت هم امهضوم؟؟


......مكتوي بنار شوقي و اللقى هو اهم
........................توّ يوم القيامة ؟؟ ليش اصلى الحموم

عرقي مسكين يشحت من لقى الخل سم
.......................ليت يشحت مماتي وينتهي الشوق دوم


.......تدري كم كم يتعب قلب مشتاق كم
.....................غضت انفاس شوقي وآنا ما فيني نوم؟


.......انته ما فيك رحمة انته ما فيك دم
..............................الجفا اسنين حلّت واللقى راح يوم!

......ليت لي خال بعدك او بقى اليوم عم
.................................المطر واحد ويا كثر باقي الغيوم

.........الجوراح كتومة بس للشوق فم!
............................يفضح الشوق لو يبقى لقاك امكتوم

.....الهوى في خفوقي شوف يحتاج ضم
................................الهوى طفل لكن ما مداه امفطوم

......من كثر ما هويتك صرت اطريك ذم
............................ولاّ انا تحت امرك يا الامير امخدوم

.........نام يا صبر عيني ...اللقى ابعيد نم
.........................رمت هالهجر او ما رمت او ما تروم

...........انا نبتة عليها الهجر صخر أصم
...........................كيف يكبر نموّي و الصخر ما يقوم؟