قصيدتين للشاعر بخيت السناني

[عبدالله السناني]

قصائد اعجبتني من قصائد الشاعر ( بخيت السناني )
اسأل الله ان يشفيه عاجلاً غير أجل

اترككم مع القصائد

( انا نويت السفر )
أنا نويت الســــــفر واللـــيل مــــــــــــــمــــــــســــينـــــي
في خاطري ديرتــــــاً بالخـــــــير مــــــــــــــــذكـــــــــوره

والــشــمــس غـــابــــت وحـــــــان الــلــيـــل يـاعــيــنــي
مــتـــى يــبــيــن الــقــمــر واســــــري عـــلـــى نــــــوره

مـــــن شـــــان اشـــــوف الـطــريــق الـــلـــي يــوديــنــي
ادل دربـــــــــــي ولا امـــــشــــــي درب مــــــحــــــذوره

اخــــــــــاف غــــــــــدرت عـــــدونـــــاً مــايــدانــيــنــي
شـــايــــل بـقــلــبــه حــــســــد الــنـــفـــس مــقـــهـــوره

شـــوقـــي عـــلــــى شــوفــتـــه شـــــــوق الـمـسـاجـيـنــي
الــــلــــي بــــوســــط الــســـجـــن والارض مــمـــطـــوره

قــلــبـــي يـــســــوق الـــقــــدم والـــشــــوق طــاويــنـــي
والــــرجـــــل بــــرضـــــاه مــنــهـــيـــه ومـــــامـــــوره

مـــاهــــو بــكــيــفــي عــــلــــى كــيـــفـــه يــســريــنــي
اثـــــر الــهـــوى يــخـــرج الـــرجـــال عــــــن طــــــوره

اشـــــــوف طـــيــــف الــغــضـــي كـــنــــه يـحـاكـيــنــي
وكـــنـــه يــســولــف مـــعـــي بــالــصــوت والـــصـــوره

بــالــرغـــم طـــــــول الـمــســافــه بــيـــنـــه وبــيـــنـــي
امــــــزح واســـولـــف مـــعــــه مـــــــن دون فـــاتــــوره

لــــكــــن كــــثــــر الــتــخــيـــل مـــــــــا يـكـيـفــيــنــي
ولا كـــــــل حـــاجــــة تـــجــــي فــالــبـــال مــــقــــدوره


( نصيحة يافتى )

ألا يالله عليك المغفرة والستر والتيسيـر
تيسرهـا علـى اللـي ضيقتـه مـا هـو مبينهـا

صبورن يرجي المولى حسين الخلق والتدبير
كريم الوجه مهما صعبت الدعـوة يهونهـا
أنا مالله خلق ليه جناح وريش مثل الطير
ليا ضاقـت بـه الديـره تجلـى وانتحـى عنهـا

انا رجال حافظ منزلي واللي يصيـر يصيـر
ليـا شانـت بـي الأيـام أقـول الله يزينهـا

لـحـيــث ان الولي قـادر على الــتـقـديـم والــتـأخـيـر
لــــيــــا مـنـه نـوى صــنعـه بــكلمة كـن يكونهـا

أنا عندي نصايح واستشير بدنيتي وأشير
أميـز بالنصايـح واعتمدهـا واهـدي أحسنهـا

نصيحة يافتى لا تودع أسراك في صدور الغير
مدام الله خلق لك صدر يحفظها ويمنها

لـــيـــا ودعــت ســرك فــي صـدور الـــناس مــنـت بـخــيـر
مـتـى مـا ضـــاقـت صـدور الــبــشـــر تــظـهـر خـزايــنــهــا

ولا تاثق بمن قال اعتبر سرك بجـوف البير
ليـا سلمتهـا بيديـن غيـرك ويـش يضمنهـا

أنـا ماقولهـا متهـم ثقـات النـاس بالتقصيـر
ولكـن اقـول خلـق الله مختلـفـة معادنـهـا

 

 

 

 

 

 

 

 

توقيع : عبدالله السناني

لاذكرتك جات بين العقل والخافق حرابه ** انت والخافق وعقلي كلكم ضد => السناني.؟ حسابي في تويتر ~> تُسعدني مُتابعتكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]