ذي نصايح

[شنق ونق]

المشاعر تنتشي من فوق شاعرها وتشعل
جوف روحه من حماس الجاش والا من رداته

والليالي كل ما جا حينها بالضيم تقبل
لين تنهي عالم التعبير جوف مخططاته

وانت ياللي كل ما جت حجتك بالحق تبطل
خل من دون الدعاوي باب تتمنى ثباته

دامت المزنه على ماقيل فوق القاع تسبل
لازم انك تسبل بقولك وتستجلي شتاته

وان قسى وقتك عليك انك معى العربان تصهل
لا تلين ولا تشين وخل في ساسك سماته

وان دنا منك جنى العراف بالتفكير فانبل
وانتبه لا تلحق اخصامك بلهجات الشماته

ذي نصايح كانت بصدري على الوجدان تثقل
تثقل الكاهل وتنعى هاجسي حزت صلاته