هو بالحلا مبلي يبا يبلاني

[محمد بداي]

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

لا يا حلا ته ما مشت بالديره=ولاهي مع مسلم ولا نصراني
يا صنعة الخالق ويا تصويره=يا اجمل بشر ما فيه مثله ثاني
ما قط ساورني شكوك وحيره=روعة جماله سحرها رباني
ياخف دمه من حلاته شيره=قصدي عسل يا قايد الغزلاني
الردف نابي والثمر بصديره=طلع الثمر يادوب دوبه باني
والعين مع شيخٍ ينومس طيره=عين الوحش مع جرهد البراني
والاّ المبيسم وش حلاة ثغيره=يا لول كله صف واحمر قاني
والقرن لفه ماخذن تدويره=لو ما يلفه كان زود اشقاني
والا قوامه ماشقٍ عن غيره=وليا مشى ما ف البلد نسواني
اكثر جنوني بس بس الغيره=خوفي عليها من سفيه وداني
يالله تصونه والشرور تجيره=لا يصدفه حاسد ولا شيطاني
يالله طلبتك ياولي الخيره=هو بالحلا مبلي يبا يبلاني
لا تعذلوني لن وقعت اسيره=سمو عليه واقرو الرحماني

[/poem]

محمد بداي

..

 

 

 

 

 

 

 

 

توقيع : محمد بداي

[poem=font="Andalus,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ما زادنا فعل الرعاع الحثاله=الا محبه للنبي سيد الخلق و الله ما يسوون ماطا نعاله=مربي الأجيال بحجاجه الطلق [/poem] طلال صالح العتيبي