ان بغاك ابليس ترجع لي تراني منك حالف

ان بغاك ابليس ترجع لي تراني منك حالف

ياحبيبي ويش باقي ماخذيته ياحبيبي
لين صارت هيبتي وحميّتي تحت السوالف

طر جيبي منك بعد البعد منك طر جيبي
طحت في عين الجهيل وطحت في عين العوارف

والله اني مابغيت الا انت لاطرّو نصيبي
بس خلك تعرف اش قدر الوفاء عند الموالف

تدري اني وافي وصادق وفي الحاجه قريبي
طبع ابوي وطبع جدي في دمي ممشاه سالف

البطا بيحاسبك وانا قد فراقك حسيبي
والله انك ماتعين مثل شخصي وانت عارف

ياسقى الله يوم ماكاني بعيد ولا غريبي
يوم ضحكة مبسمك في قولة اينك صار طارف

رح رعاك الله مالك بي وانا معاد ليبي
بس لاترجع ترا يومين ويجي القلب جالف

والله انك ماتعين لاعلاج ولاطبيبي
لا لقيت اهل المشاعر قد مشاعرهم حراشف

بتذكر كل ماقلته لك انا ياحبيبي
وان بلاك ابليس ترجع لي تراني منك حالف

المصدر: الملتقى الجماهيري للشاعر محمد بن فطيس المري