ياناس احبه واحب ابوه واخوانه

[بنت برقا]

ازدادت جنون قلبي يوم جيرانه *
مروني البارحه مع جنب مشذوبه*
والقلب طيرن كفخ بالجو جنحانه *
خلاني وقت السفر ثم اتجه صوبه*
ياناس احبه واحب ابوه واخوانه*
واحب اوجه ليا سجيت بدروبه*
والله لولا الحيا لاطق بيبانه*
واقول قلبي عشقك وصرت محبوبه
مير الظروف المقيمه مالها خانه*
كم واحدن حدته ماشاف مطلوبه*
لكن من شان قلبً حب ومن شانه*
**اصبر على النار لو النار مشبوبه
ورغم الحصون المنيعه داخل اوطانه*
مكانته بالحشا ماهي بمحجوبه **
وشلون ابنسى الهوى والحب وازمانه
واشعار حبً من الاعماق مسحوبه*
و لو الشعر يعترف للناس بلسانه*
كان انكشف للخلايق سر مكتوبه*
*

يوسف سليم المشرافي

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات