مختارات مجازف &** النصيه **&%

[مجازفف]

[frame="7 80"]
دايم يجي من بيني وبينك خناق ..
.......... وتطوّل لسانك واطوّل لساني !
وتسبني وتروح وتشين الاخلاق ..
.......... واحس في ضيقه واغير مكاني !
و لا من تفارقنا تعذبنا الاشواق ..
.......... وكلٍ يجي الثاني من الشوق عاني !
وناخذ بعضنا لهفه وضم وعناق ..
.......... ونرتب الليله غرام واماني !
وقبل انتفارق نرجع هواش وخناق ..
.......... وتطول لسانك واطول لساني !
ونبقى على الروتين عدوان عشّاق ..
.......... واسرق جمالك وانت تسرق حناني ..
هذي طراة الحب في وسط الاعماق ..
.......... مافيه لا مجني ولا فيه جاني !
حبٍ ما فيه دموع وغياب وفراق ..
.......... سلم عليه وشوف لك حب ثاني ..

[/frame]