ياريم .. وان كاني مع الوقت ماجيت

[ضامي الشوق]

ياريم ..وإن كاني مع الوقت ماجيـت

عندي وصيـه ..وإحفظيهـا وصيـه

خليك في شانك .. ولو عنك اقفيـت

وروفي بحالك ..خلـي الحـزن ليـه

عيشي حياتك ..وإحسبيني مع الميت

وردي على قبري .. سـلام وتحيـه

أدري غلاتي فيك .. مبني لها بيـت

وأدري حياتـك كلهـا .. فـي يديـه

العذر منك بس .. لـو كـان زليـت

ولا بعد لـو جـاك .. منـي خطيـه

واقسم قسـم ياريـم مايـوم حبيـت

ولا كنت اعرف الحـب فينـي كذيـه

كم مرة ٍ ياريم مـع طيفـك امسيـت

وكـم مـرة ٍ طيفـك يصٌبـح عليـه

ياريـم انـا ليلـي همـوم وتناهيـت

مبطي ونـار الشـوق بالقلـب حيـه

من كثر ما احبك ..من الناس مليـت

طيفك وهـو طيفـك ترانـي خويـه

واليوم حان موادعك ..دون توقيـت

ماعـاد باقـي.. يـا حياتـي بقيـه

لاحدن خطُبك .. ومقصده يطرق البيت

امانتـك اخذيـه ..عـنـي هـديـه

لو كان انا ياريم ..ماجيـت وأوفيـت

صعبه اسوي شـي ..ماهـو بيديـه

روحي عسى ايامك لها بالفرح صيت

وانا على شانـك.. بصيـر الضحيـه

حكم البشر ساطي .. ولا ينفعك ليـت

قسمـه مـن الله .. تنقسـم للبريـه

وانا ترى بدعي على طول مامسيـت

يالله عسـى باقـي حياتـك هنـيـه

اتمنى ان تحوز على رضااكم

 

 

 

 

 

 

 

 

توقيع : ضامي الشوق