اصبع الاتهام

اصبع الاتهام

يزفر من اعماق صدري كل ضيق النسام=يوم ارجي المد من كف الردي والبخيل

وارزم على صمتي اللي غض بوح الكلام=والامس اطراف حلمي يوم اناظر سهيل

يا للاسف سارت اوهامي لخرق النظام=واصبحت كني بدار الذل عابر سبيل

حتى صرخ فيني التفكير دون احترام=لا لا تغير وخلك للمصايب عميل

اسكت وخلك كذا تو اصبع الاتهام=ولا تفكر بفرض الراي خلك ذليل

اشوف عمري تدنى دون احقق مرام=واقول يا ليل لا تكثر علي العويل

الضيم خلفي ودمع الذل سل الحسام=والحر يهشم ضميري دون احصل مقيل

اصبحت مثل الهديل يجر سجع الحمام=من دون لا ابرر الدمعه علا ما تسيل

والصبر قد مل مني والطموح استظام=والصبح عود علي من جور ما فيه ليل

والهم والغم والتنكيل والانقسام=ما غيرها في حياتي لليالي حصيل

اجمع حروف شعري لجل انال الوسام=وانثر اوهام فكري زي هرج الهبيل

يا صمت يكفي ترا ما صار والله حرام=لا عاد تشفي غليلك دون لا اشفي غليل

ان جيت ابا احكي يخاف النور غشم الظلام=وان قلت ابا اسكت يهد الروح فعل الجميل

يا هيه فكري تشتت زي ريح وعسام=ما عاد في كفي لنظم الحقايق دليل

ان جيت للصدق ما به للكرامه خطام=وان جيت للكذبه انا فاعل المستحيل

الله واكبر غدت لايمان فينا تسام=الكل يحلف بربي والغوا له سبيل

لو دام عمر الفتى فالعز ما هو دوام=حتى الرياسه غدت عن قومها تستقيل

الله يثبت عزومي في نهار القيام=ما غيره ارجي وحسبي هو ونعم الوكيل

يا الله تغفر ذنوبي يوم حشر الانام=وتثبت اعضاي في هول النهار المهيل

والختم مني صلاة الله معى افضل سلام=للمصطفى واله الاطهار زاد الرحيل

المصدر: الملتقى الجماهيري للشاعر محمد بن فطيس المري