الــــــذوق فــى هــرجــتــك يأخــذ ســمــوهـ

[سمـ المراجل ـو]

المترف اللى كلما زان جوه
يتلنى بين الرجا والمشاريه


يقول أنا طفلٍ على الحب توه
وأقول أنا قلبٍ يبي طفل يحييه


يا ناهبٍ قلبي فدلك لهوه
ضمه على قلبٍ يحبه ويغليه


وإلعب وخرب ما تريده بقوه
ما دمت نبض القلب وشلون تذيه


قلبي فداك اللى تبي فيه سوه
وأنا بموت بكل شيٍ تسويه


وأنته تصرف خل عندك جروه
وخدرنى بقولك ليا قلت لبيه


فكرى معك لاجيت يعلن خلوه
وقلبي معك ليا مكانٍ توديه


شاعرك لاجاء الضيق يعلن دنوه
يتذكرك حتى السعاده تباريه


إترك شعّرك يعلمه عن هدوه
وإطعن بعينك كان ودك تصحيه


بيني وبينك بالمشاعر عنوة
وإحساسك الشاعر وحرفي قوافيه


والشاعر اللى فيك ماهو مفوه
يترك مجال الشعر لايشتقي فيه


فى طلتك غيث الغمام وعلوه
والسحر والتأثير والورد والتيه


الذوق فى هرجتك يأخذ سموه
والزين كنك من وصوفك تغذيه

والعطر ماهو عطر يحسب مشوه
لانك بعطرك لاتعطرت تعميه


هذا القمر وألا أنت تعطيه ضوه
ولو تشتهى تطلع مكانه وتلغيه


ما ألوم قلبٍ فيك معلن غلوه
صحيت فيه الشوق وأعذب معانيه


واليوم أنا طالبك لاأجل الاخوه
ولاأجل فوادٍ منحرم من محانيه


أعلم ترا بعدك فوادى عدوه
وأكره كره الزرق وأمل طاريه


وأحرص دخيلك خل عندك مروه
منهو يحبك كيف قلي تخليه

تحيــاتي

 

 

 

 

 

 

 

 

توقيع : سمـ المراجل ـو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]