حزن انشطاري

[منصور العبدلي]

[poem=font="simplified arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الدهر فاصل من شرابه تبجر = ذهنه تغيب بعد ماتت سجاياه
وقتا معربد ساق كاسه وحجر= ياعولمه وقتك رخيصه هداياه
كم عيب يرقابك وكم سلم يهجر= وكم صدر باسبابك كئيبه زواياه
نهجك يدين الحق والجور يفجر = والجو بثك معتكف في حناياه
فكر الرعاع ايذاع والشيخ يزجر = جار الكتاب وشح من بعطاياه
اصبح سديد الراي فكره مؤجر = وامسى الدني بآمرك يسوق مزاياه
من سوق الاسهم لين طابور سنجر = والوهم يضحك بارزات ثناياه
اضحت وسيعتنا كما سوار بنجر= يالله تكشف كرب تعلم خباياه
حزن انشطاري في خفوقي تفجر= تناثرت بين المحاني شظاياه
نار المواجع في حياتي تسجر=همي زهم صوب المشاعر مطاياه
الروح عنوه عن جسدها تهجر= تنوي وداع الكون سبت خزاياه
في موق عيني حار دمعي تحجر=عزم ربيع العمر يسدي وصاياه
هذا الصبر ساع المنام ايتضجر =يطلب وداعي واغتفر له خطاياه
بعد رحل صوت لروحي يزمجر= جف الفكر فجئه تداعت مراياه
عصرا مقنع سل بالنفس خنجر = رمى قناعه بعد بانت نواياه
لو الدهر بالقيد للخلف ينجر = كانت حبال القيد ثورة ضحاياه
[/poem]