يا ولد عمي راسي من الفكر منداش

[احساس شاعر&]

يا ولد عمي راسي من الفكر منداش
قامت عواصيف الطوارى تسوقه
احاول ابعد الفكر وانحاش
واطردسراب ما حصل لي لحوقه
لا شفتي دنياي ما يبرد الجاش
تعبت من وقت توسع افترقه
الله من صبرن صبرته على ماش
ولاكل من يصبر يحصل حقوقه
اليوم صار اليوم سعره ورى الكاش
والحر الاشقر خرب الوقت سوقه
حتى الثعالب قامت اليوم تهتاش
والذيب جنبه والعشاء ما يذوقه
ذا زمان(ن) فيه الانذال تعتاش
واخس خلق الله ما يلحس شدوقه
هذا زمان الخبل والهيس واللاش
والا الكفو صار الزمن ذا يسوقه
وياطول صبري بين حاقد وغشاش
ناس على عرض المقفي شفوقه
انت الخوي الي على الهيب رشاش
ابن الرجال الصاملين الصدوقه
لو ينفرش قلبي لك القلب مفراش
تجلس بوسطه والخدم لك عروقه

 

 

 

 

 

 

 

 

توقيع : احساس شاعر&

[poem=font="Traditional Arabic,7,white,bold,italic" bkcolor="black" bkimage="backgrounds/21.gif" border="none,4,gray" type=2 line=0 align=center use=ex num="0,black""] كــذاب من قال راحــو الطيبين ---- هذا انــااا موجود [/poem] ممنوع وضع ارقام الاتصال والتواصل في هذه المنطقه تم تحريره من قبل الاداره