عظم الله خيرش

[سالم ال دواخ]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قد ذي النهاية عظم الله خيرش=على وفاة الحب فيني دفنتيه
ماهي غريبة فصلته عن مصيرش =بس الغريب الموت كاسه سقيتيه
هذا جزا من كان يبدي ضميرش=يوم الوله يسبق طريقٍ سلكتيه
وصلش توقف وانتهى خط سيرش=على قفا دربٍ بكيفش مشيتيه
مشكاة قلبي شبها فوح كيرش=يومش على جمر المفارق شويتيه
الناس واجد واكثر الخلق غيرش=توفي ولاترجع بعهدٍ قطعتيه
لابار ودش يسهل اصعب عسيرش=لاطال ليلش ينتهي ما بديتيه
بس البلا لا صار قلبي اسيرش=على رغم سيف الجفا يوم شلتيه
يعني ترى داخل عروقي مسيرش=وانفاس روحي تظهر الي نسيتيه
لكن على ماصار ربي يجيرش=يمكن تعزيني بحبٍ دفنتيه
[/poem]

 

 

 

 

 

 

 

 

توقيع : سالم ال دواخ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]