][ الجـروح العاريه ][

[بنت برقا]

جيتك أشيل فـ وردتي , بس اليدين مقيَّدة
أخاف تذبل في يدِي / تعال خذْها يالعطوف
:
ياموطن أحلامي / ونبض القلب وانتَ سيِّده
الليل خيَّم وال" ندى " من دون نورك ماتشوف
:
هذي المواجع والألــم في داخلي متــسيَّده
سبَّه زعل ماهو بيدينا بس ب اسباب
" الظروف !"

؛
؛

لا يابعد منهو تعلا ..فـي الضماير والقلوب..
عطْني جروحك كلَّها وانعــم بطعم العافيـَه..
:
هذا خطا قلبي وجيتك نادم وأبغى " أتوب"
وأكفِّر بروحي ذنوبٍ.. سطت بك حاميــَه..
:
ذي دمعتي صارت عشانك تِلبَس الاعذار ثوب
ولو انَّـها واللـــه ماتكسي "الجروح العــاريـَـه" !
:
اعذر لقلبي زلـــةٍ زادت به الكربه { كروووب }
ماكان ودي نستمر بـ "احلامـــنا المتراميـــَه "..
:
واااقع وغطَّى بعتْمِته واهج الشمس /بغروب"
" وانهى حكاية قصةٍ بـ أبطالها والراويــــه "
:
لكن ..( أحبــك ),, واعترف..
مانيب
خــالي
من
العيوب !
واكبر عــيوبي للأسف " أؤمن بـ أنَّي فانيـَه "
:
أخاف من يومـن اقابل ..وجه علام الغيوب
واخاف حبي ينقلب لـ ادمان روحــن ظاميَه
:
واخاف تفكيرٍ ذبحني كم له بـْـعقلي يجوب..
وتْعانده نبضة خفوقْ اتْصـــيح فيني باكيــــه !!
:
قد شفت لك شخصٍ يقابل زايد النعمه بهروب؟
هذا أنا ياصاحبي ..و" نعمة وجودك راهيه"..
:
ياصاحبي حظي ركلني في متاهــات الدروب ..
وآخذني من عالي سمَاك لـْ قعر بُعْد وهاويــَه..
:
سامح غلاتك يالغلا واغفر لها كثر الذنوب ..
وعهدٍ علي لـ ابقى معَكْ ماظل فيني باقيـــه!..

،

عذري وقدمته مع الدمع والآهـ
والموت كانه ماتوصَّل لـ حلمـه

بقلم : بقايا روح

 

 

 

 

 

 

 

 

توقيع : بنت برقا

التصوير ..ايقاف لحظه من الزمن تبقى للأبد تغني عن كل الكلمات