سجل حضورك بـ بيت شعر أو حكمـه

[الع ـابــر]

يطول الجفا وتشاغل الخاطر المكسور
ويبقى مع الايام طاريك بلساني

اثر من تولع لو سمع مايطيع الشور
هو اللي يشوف وباقي الناس عمياني

نسيت الليالي ذيك وشلون يامغرور
انا كنت اغالط من يقولون تنساني

هذيك اليالي وين..؟ اثر الزمان يدور
رجح في عيونك ذيك الايام ميزاني

انا كيف ابنسى خابرن قلبي المجبور
لو اني نسيتك ماني بناسي احزاني

زمانٍ مضى له دور واليوم غيره دور
انا اليوم مالد النظر لو تعداني

كفى ماجرى ما فيه داعي تجي مشكور
غرام الليالي ذيك خله على شاني