جديد المغريات

[بـنت أبـوي]

قصيدة للشآعر حمد البريدي المري ..

^^^

هدوء .. عندي شـي يحتـاج التفـَات ..
من خاطـرٍ مـا كـل شـي يعجبـه !!

قدلي .. وانا ساكـت ومليـت السكـات ..
امتّر الموضـوع وآرجـَع واحسبَـه !!

هـذي نصيحـة أخ وخذوهـَا وصـات ..
والعاقل اللي عـارف ٍ وش مكسبـه !!

يا صاحبي يا اللي خذتك المغريـات ..
العمر مـره .. والمواقـف تجربـه !!

يعني هي الدنيا كذا .. عطني وهـات ..
فاسمع كـلام ٍ مـا قدرت آرتبـه !!

في ذمتي مـا عـاد رحـت مجمّعـَات ..
لأن الرجل درب الردآ مـا يقربـه !!

لا تقول لي فيلاجيـو .. ولا الحيـاة ..
على الحرام انهـا سـوى فالمرتبـه !!

كاشخ .. ومن كشختك تكـره الالتفـات
من لا يعرفك .. قال مكسـور رقبَـه !!

ذبحة روحك .. والعرب راحت وجـات ..
لا حست لك نظره .. ولحدن ينتبـه !!

ما غير بس تـدور وتطـرّد بنـات ..
يا بعدها بعداه قولـت (( مذربَـه )) !!

لو آن حدن سوّى بهلك نفـس السـوّات ..
يمكن تسوقه بقـس .. والاّ تضربـه !!

يعني بنات النـاس .. حـق مغـازلات ..
ولاّ هلك .. عن هالـدروب مجنّبـه !!

ياخي المحلات احفظـوا شكلـك ثبـَات ..
ووجهك غدآ وجه معروف ومشتبـه !!

دارس دروب السوق من كـل الجهـات ..
وحافظ .. ممـر وزاويـات المكتبـه !!

أبكي اللي لا شافوا كذا طارف عبـاة ..
سوّو مسيـره .. فالمجمـع وأجنبـه !!

وين الرجَال اللي لشوفتهـا طـرات !!
اللي يحشم .. اسمه وربعـه ونسبـه !!

[ اغبى رجل .. اللي لآ شاف البنت مات
واذكى رجل .. ما كـل زول ٍ يجذبـه ]

كنّـك تبـي تختـار .. دوّر فالصفـات
الآشكال ما تنفـع .. رفيـع المرتبـه !!

كم واحدٍ من خلقتـه .. راهـي سمـات
والى بخسته .. قلـت لحـد ٍ يقربـه !!

يا صاحبي يا اللي خذتك المغريـات ..
العمر مـره .. والمواقـف تجربـه !!

واللي يحسب ان الرجوله .. فالبنـات ..
علي الحرام انها مهـي بعنـد شنبـه !!

 

 

 

 

 

 

 

 

توقيع : بـنت أبـوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *استغفراللّه