أكتــب أســـم شاعـر وإلــي بعدكـ يكتـب قصيده لهـ

[الملاك الحنون]

ابارك لك و اودع كل دنيا الحب والاحباب
نصيبي بالهوى حبك و صرت لواحد غيري
اعزي فيك حظي و الخفوق اللي من اجلي ذاب
و لا طاع و تبدل فيك غيرك يا محاسيري
و اعزي فيك شعر ما قبل غيرك و بعدك شاب
تقل كفك هي اللي تامر حروفي و تعبيري
و اعزي فيك عين كل زولك رمشها ما غاب
و غيرك عنك لو طال العمر ما طال تغييري
احبك حاضر عندي و احبك لو طال غياب
و احبك مثل نفسي يا كسر نفسي و تجبيري
اجبك لاجل حبي لك قلبي منك ما يرتاب
ولا يقبل غلا غيرك ولا يقبل معاذيري
احبك صوت احبك زول احبك روح يا جذاب
و احبك حب اكبر من مدى شعري و تصويري
صحيح اني جريح فراق روحي و الجرح اسباب
. صحيح اني تعديت الحدود و طال تكديري
و صحيح ان اللهيب بخافقي يا خافقي شبّاب
و صحيح اني بنفسي ضاع تفكيري و تدبيري
بكى لك دمعي الوافي .. ولا لك فالكلام اعتاب
و تلاشت يا مدى صدق الهوى منك مشاويري
تفارقنا فراق عيون لكن القلوب احباب
تمنيت السعادة لك ولو مع واحد غيري

الشاعر..سالم سيار..