ياليل قل لي وش وراك من العلوم الخافيات

[شامان المري]

السلام عليكم ورحمة الله وبركاته
صبحكم الله بالخير
شلونكم عساكم بخير والسموحه ع الانقطاع
جيت وجبت الجديد وحبيت اطرحها بين اياديكم


يقول:

ياليل قل لي وش وراك من العلوم الخافيات==اشوف في مبداك خير وغير في ممساك شر

اصيح في قلبي واناطح به جموع (ن) مقبلات===جموع هم وغم تاطاني لها حول الشهر

الوقت ماوقف مع صف الذياب العاويات===قامت ثعالب وقتنا تعوي ومطعنها نحر

الوقت وقف ضدنا من فوق خيل (ن) مسرجات===وقت (ن) غدى به فارس الفريس مكسورالظهر

العيشه اللي تهتني فيها الكلاب النابحات===مالي بها لو كان يملى جوفها ورد وزهر

قد لي شهر وانا انطر المرسول من سيد البنات=== ولالفى مرسولها يالله عسى ماجاه شر

راح الشهر والعيد جا ولالفتنا تهنيات===امحق سنه لاواجدى اللي مامعه كون الصبر

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]