شرهة الزاري

[محمد السالم]

..



إذا النجوم السّواري ماحكت عنّي
......................استشرف الرّيح ؛ تحّكي لك عن أخباري
،،
لاشتّد كوس الجنوب وجاك متحنّي
..........................خِضاب كفّه مطر من ريشة اشعاري
،،
افتح (قميص) الغياب وخلّه يغنّي
.......................... تهدي لي الرّيح صوته يازن أوتاري
،،
كمّ كنت فنّك وكنت بواقعك فنّي
.......................... غيثارتي ضحكتك واغناك مزماري
،،
صحيح انا منْك وأنته بالأصل منّي
...............................لاكنّ بعد القطيعة ماني بداري ؟
،،
هل عاد طيرك على لاماي متمنّي ؟
...........................والا أن طيرك تدبّر عاتي الذاري!
،،
مازلت رغم البطا ماخاب بك ظنّي
.......................محسن بك الظن واوقد للوصل ناري
،،
من خلف حسد المحاني حزن ماكنّي
...........................يسلّ سيفه عنت لامر لك طاري
،،
خلف إنتظار اللقا والحزن ساجنّي
.....................جدرانه الشوق وأصفادي به اعباري
،،
يا غايبي ؛ حقق اللقيا على ظنّي
.....................الظنّ لا عاب ؛ عابت شرهة الزاري
؛؛
رغم العقل بيّ ؛ جنوني بك مقننّي
.........................وانا اتعزز برشد الصبر واداري
،،
تدري وش اللّي خطير إنّه يجننّي ؟
................. لوّ جات رحلة رجوعك عكس مشواري




..




..



م.س.

 

 

 

 

 

 

 

 

توقيع : محمد السالم

ألا كل شيء ما خلا الله باطل