ان كان تنشد يالهويدي عن الطير ...,,,,... الطيـر والله يالهويـدي غدالـي

ان كان تنشد يالهويدي عن الطير ...,,,,... الطيـر والله يالهويـدي غدالـي

السلام عليكم ورحمة الله وبركاته

بعد أن قضى شالح حزين على ابنه ذيب ... وذات ليله سمع بشخص يدعى الهويدي من قحطان ينشد عن طيره ويصوّت .. من عيّن الطير ... فهاضت قريحة شالح وقال الأبيات التاليه :

ان كان تنشد يالهويدي عن الطير
الطيـر والله يالهويـدي غدالـي
طيري عذاب معسكرات المسامير
ان حل عند قطيعهـن الجفالـي
ان جاء نهارٍ فيه شرٍ بـلا خيـر
وغدا لهن عند الطريح اجتوالـي
ان دبـرٍ خيـلٍ وخيـلٍ مناحيـر
وغدن مثل مخزمـات الجمالـي
على الرمك صيده عيالٍ مناعيـر
وشرّه على نشر الحريب الموالي
يضحك الى صكّت عليه الطوابير
طير السعد قلبه من الخوف خالي
خيالنا وان عرجـدن المظاهيـر
وزيزوم عيراتٍ طواها الحيالـي
غيثٍ لنا وان جت ليال المعاسير
وبالشح ريفٍ للضعوف الهزالـي
يسقي ثراه امن الروايح مزابيـر
تمطر على قبرٍ سكن فيه غالـي

عسـآآ تنـآل إعج ــآبكم

المصدر: الملتقى الجماهيري للشاعر محمد بن فطيس المري