يا معذربٍ غيرك وكلك عذاريب

[رشيد]

.

يا معذربٍ غيرك وكلك عذاريب
وقت السعة بالهرج ماتنتجارى

والا الوفا والطيب لمقدم الطيب
منصى وله ماقف وريف الفقارى

الحق مثل النور ماعنه تجنيب
والوقت مثل السيف مابه مدارى

مال الثقايل غير حرش العراقيب
الحر يشهر والذرى للحبارى

من يمعن النظرة يشوف العواقيب
الدهر له عوان دايم تبارى

والخاتمة وش يوزم الشك والريب
عقول بعض الناس مثل السكارى

الشين وجه الذيب والفعل للذيب
والزين قسمٍ من قسوم العذارى


-

للشـاعر ....
صالح بن عبدالرحمن الناصر

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -