برد الشمال - الملتقى الجماهيري للشاعر محمد بن فطيس المري

#1 07-04-2014, 06:17 PM

يومه صفق برد الشمال وقامت تلوح البروق *** زادت على قلبي مخاييل السما وبروقها
حاولت اقنع خاطري من شان جرحن بالخفوق *** لين العيون الساهره قامت تجرح موقها
شربت لي كاسن عساه يذوق اللي ما يذوق *** واشقيت رجلي فالديار اللي تزيد فروقها
مدري مسافات الدروب اتوق اللي ما يتوق *** ولا تغربل بالغريب اللي مشا برفوقها
ياللي تسنت الديار اللي محد فيها يسوق *** اشقيتها واذهبتها وشلون صرت تسوقها
سكانها في ضلمتن غدرا ولا تعرف الشروق*** انت الضيا لسكانها وانت السما واشروقها
حتى القصيده من غلاك تبوق اللي ما يبوق*** ليش المحبه بقتها وانا عجزت ابوقها
غلاك في دمي جرى والدم في وسط العروق***شجرة غلاك اسقيتها خايف تموت عروقها
ساكن غلاك بداخلي كنه مع القلب مخلوق*** والمره اللي فالزمن لجلك حلاو اذوقها
علقم تجرعته لجل حبك واثر منت بصدوق*** الله على الدنيا تطلع لك خفا صندوقها
لكن مسموح وعساها تزين لك كل الطروق***جتك القصيده عاشقه واللي قصد معشوقها
وجدي وجود اللي مهو من دم ابن عم معتوق*** ان كان ما نفذ قصاص الناس تبغا حقوقها
عليك ياللي ضامري من سبتك صار محروق*** والمره اللي فالزمن لجلك حلاو اذوقها

الشاعر محمد نور جريبيع الداموكي الرشيدي

المصدر: الملتقى الجماهيري للشاعر محمد بن فطيس المري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)