في غياب الشمس وش ذنب الزهور !

[سحابة الطائف]

يا وسيع البـال .. ضيقـت الصـدور
.......................رحت ما علمتني وين انـت سـاري؟

في غيابك.. مـا لخلـق الله حضـور
.......................وفي حضورك.. ما لهم بالبال طـاري

ليـه مـا تختـال يـا بـدر البـدور
.......................و القصايد لك وصيفـات و جـواري

لـك بنـات الفكـر ربـات الخـدور
.......................يكشفن الثامهـن.. و الجـرح عـاري

جعل قلب مـا مـلاه الصـدق نـور
.......................عند وجه اريح.. مـا يلقـى مـزاري

التغاضـي عجـز لا طـال القصـور
.......................ليه أداري؟.. و انت عني منت داري؟؟

الزمـان قصيـر .. والدنيـا تــدور
.......................كل يوم يضيـق فـي عينـي مـداري

صاحبي محتاج لـك شعـر و شعـور
.......................و إحتياجي شي.. ما كـان إختيـاري

من متى و الغصـن يختـار الطيـور
.......................من متى و البـال يختـار الطـواري؟

لا تسمي صمتـي البـارح .. غـرور
.......................إنكساري خلف هالصمـت امتـواري


في غياب الشمس وش ذنـب الزهـور
.......................و المطر لا شح وش ذنب الصحـاري؟

اللقـا لحظـات و الغيـبـه شـهـور
.......................تقصر الخطوات و يطـول انتظـاري

لو قريـت المنكتـب بيـن السطـور
.......................ما كتبـت لغلطـة العمـر اعتـذاري

صمت هالمينا.. مثل صمـت القبـور
.......................ما رسى مركب.. ولا لاحت صواري
.
.
.
من اجمل ماقرات
.
مـودتـي

 

 

 

 

 

 

 

 

توقيع : سحابة الطائف

‏?‏?أتعَرف مآهُوَ أسّوأ شُعوُرْ ! عِندمآ يَفهَمْ الْنآس طيْبتٍگ خَطَأً !! وُيظنُوْنَ أنّ قرْبگٌ منْهُم لهُدفْ مآ [gdwl]وأنت لآتُريدُ مْن هَؤلآء الْنآسُ شيْء [/gdwl]غيَر أنْ يَكُونُوآ بْخيّر </3 سحابة صيف