كان وفـــــــرح

[فرح الشهري]

بصراحه اخوي كان ارسلي هالابيات خاص فحبيت ارد عليه واعذرونا على القصـور

كــــــــــــان


يافرح وش عاد باقي فالقصيد=نافس الحرف الاخير الاولي
كل ماجيت ابغني من جديد=صار قلبي من عنى الحرف يغلي
أأه واويلاه ياقلب البليد=عية احزانه عنه لاتنجلي
كل صبح وكل ليله في مزيد=هم مع لوعه ونار ٍ تصتلي
ياليال الخير وش باقي رصيد=غير بوح القلب والوالي ولي
أزهم الاحساس والوهم العنيد=وارسلي يافكرتي وأستقبلي
شاب وقت ٍ يحصد العالم حصيد=بان نور الامس للمستقبلي
الله أعلم بالقريب وبالبعيد=كيف نشرب والبلا سحب الدلي
تقصر الارواح في يوم وتعيد=والسعاده ماتجي دون الملي
فسريها يافرح في كل حيد=واطبيعها بالمعاني وأرسلي
غنت الورقى على خضر الجريد=لين هلت دمعتك يالبلبلي
لمة الافراح والحزن الشديد=غاض صدر ٍ من غثاها ممتلي


فــــــــــرح

كـــان لوماكـان حزنكـ من حديـــــد

والسعاده من حيـــــاتكـ تختلـــــــي

ماكتبــــت الحرف من حزنن بعيـــد

وادعيت جنون والله المبتلـــــــــــي

ياعسى عمركـ في هالدنيـــــــا سعيد

ياعســــــاكـ بطيب ذكركـ تعتلـــــــي

نار قلبــــي ذوبت بحــــر(ن) جليــــد

من غلا مدفون في ذيـــــــكـ الخلــي

كـل حزنن داخلـــــي نوعـه فريـــــــد

وكـل جرحن في خفـــــوقي حــن لـــي

الله العــــــــــــالم بأســرار العبيــــــــد

اطلبــــــه يارب ياأعظــــــم ولـــــــــــي

مثل مااســعدت هارون الـــــــــرشيـــد

تسعد اللي في قصيــــــده قال لــــــــــي

يافـرح وش عـاد باقــــــي فالقصــــــيد

نافـــــــس الحــرف الاخـــــــير الاولـي

 

 

 

 

 

 

 

 

توقيع : فرح الشهري

سبحان الله