سوريا!! ردا على قصيده عبدالله القحطاني

[سعد بن شلحاط]

بسم الله الرحمن الرحيم

ردا على قصيده عبدالله القحطاني التي وجهها لي فهذا ردا مني عليه

الا ياولد قحطان عقلي خداه جنان
تبراج بنت القوم من هو يغطيها
تعوذ من الشيطان قم سم بالرحمان
وخل الصرر مصروره في قواطيها
اشوف النصايح تالي الوقت بالمجان
وشوف البهايم تتبع اللي يعشيها
ولكن على ماقيل بمكن النيشان
وفي الدايره ركز هدف قبل ترميها
وخل البكار السانيه تروي العطشان
قبل يرتكز سيف الغدر في علابيها
رفع ضغطي بكار تعدى على الحيران
وعيا البعير العود لايلتفت فيها
ترى العام لول محترفنا من الرومان
وأراد الله إنه يشوت كوره ويخطيها
خسر كاس مطلي بالذهب فوقه المرجان
وذي سبة التحكيم زور بلنتيها
يجامل هل المليون ويشجع العدوان
يهاب الجماهير الغفيره فراضيها
يقولون حزب الله مستوطن(ن) لبنان
وانا اقول حزب الله روحوا لماضيها
تبحث خوافي شيعه من جذور إيران
جنود لنصر الله بماله يشريها
فترى سوريا تستنجد وتزهم الشجعان
وبشار وجنوده تعبا مخابيها
فيالله تزلزل الارض من تحته ببركان
وترحم ضعيف مجرم فيه طاغيها