عابره سبيل / رحمة الله عليهاوقصيده المرثيآ لها

عابره سبيل / رحمة الله عليهاوقصيده المرثيآ لها

*هــذة القصيدة للشاعرة عابرة سبيل رحمها الله وهي على فراش الموت عندما اقام زوجها وليمة لها

تقـــول :

ترى الذبايح و أهلها ما تسليني @@ أنا أدري إن المرض لا يمكن علاجــه

أدري تبي راحتي لايا بعد عيني @@ حرام ما قصرت يديك في حاجـــــه

أخذ وصاتي وأمانه لا تبكيني @@ لوكان لك خاطرٍ ما ودي إزعاجــــــه

أبيك في يديك تشهدني وتسقيني @@ أمانتك لا يجي جسمي بثلاجـــــــة

لف الكفن في يديك وضف رجليني @@ ماغيرك أحدٍ كشف حسناه واحراجه

أبيك بالخير تذكرني وتطريني @@ يجيرني خالقي من نــــار وهاجــــه

سامح على اللي جرى ما بينك وبيني @@ أيام نمشي عدل وأيام منعاجــه

همي عيالي وأنا اللي فيْ كافيني @@ علمهم الدين تفسيره ومنهاجـــــه

رحمها الله تعالى واسكنها فسيـــح جناتة ،،،

المصدر: الملتقى الجماهيري للشاعر محمد بن فطيس المري