الشاهين حالول ,,, الشاعر محمد بن فطيس المري

[admin]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اسمعوا تقرير في صوره مثايل=فالبطوله والبطوله فالقلايل
والقلايل منوة القانص مجيها=جامعه للصيد من كل الفصايل
ديرة علت عقب وسم رواها=من ثلاث اشهور فيها السيل سايل
قفر مافيها من البدوان دوعي=خاليه ماشيف فيها زول زايل
نبتها متخالط دقه وجله=وبعضه قدهو عليه الحول حايل
وشمعتها بين فالسوم ثرها=خططت فالسوم من كثر التمايل
كل ماهب الهوى الغربي عليها=نوشت نواش نقاض الجدايل
ماحلا المقناص فيها والمعشى=قد ظلال احزومها للشرق مايل
والبطوله جامعه لخوان شما=شاركوا بالود من كل القبايل
والقنص بوحوش وبعوق الادامي=وبالخيول المسرجات وبالذلايل
من بغا يملا المخالي فيتحزم=باشقرن صافي ظهرضافي شلايل
افجح الساقين له قحفن مظلل=للعشا في وجهه وعينه دلايل
من جبال ايران جا يبغي الجزيره=وعقب رابع ليل وكره قرن وايل
عدتة يوم اطرحوه اكبر الادله=مابعد غابت عليه الشمس فايل
والا شاهين ن مثل حالول فعله=طارحينه في فويرط بالمحايل
عقب ماذبح حمام الربع كله=حدهم واستنفذوا كل الوسايل
ركزته فوق الوكر كنه ممهد=اقرع ن واللون كنه لون الأيل
لا ارتمح من كف راعيه ودبر=تحته وفوقه تلاقن الطوايل
والهدف ماهوب فوز ولا جوايز=الهدف نحيي مقانيص الاوايل
في ظلال اميرنا تاج المروه=ناصر المظلوم كساب الجمايل
ظل ابو مشعل عسى ربي يدومه=مزبن الجالي ولاطم كل عايل
قايد النهظه ونبراس التقدم=وراعي الوقفه الى جأت الصمايل
[/poem]

الشاعر محمد بن حمد بن فطيس المري

 

 

 

 

 

 

 

 

توقيع : admin

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لا تحرموني دعائكم في ظهر الغيب

---

التعديل الأخير تم بواسطة admin ; 04-07-2012 الساعة 01:46 PM