نادولي ابن فطيس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سعد بن صنوين]

السلام عليكم ورحمة الله وبركاته

نادولي ابن فطيس يالاد مره
ومابي ينوبه من حديكم اشويعير
ابيه ياتي بالشعر من مقره
بوصفله الي صار معنى وتصوير
وباجيب له من بطن الابحار دره
وباخشهاله بربعتن باخر البير
خابره عاشق والهوا له يطره
طر الوحش في صيد زرق المعاشير
اباشتكيله من هوا العشق مره
من واحدن في عشقته دايمن غير
اجيه بلحون الغلا والمسره
ويجيني بكذب وتغلي وتقصير
ماهوب منه من عذولن يفره
وهو على النيه ترا يتبع السير
قد قلت له كثر التغلي يضره
وقد قلت له هرج العواذل مناشير
والي يزود في حشى الجوف حره
غشيم عشق او رافعن ضغظ الامبير

وسلامتكم.......
اتمنى الرد من المعني وشكرأ

 

 

 

 

 

 

 

 

[سلطان المري]

صح لسانك اخوي سعد .. واعتقدان ماكان القصيده هو قسم الشعر والشعراء وليس القلطه


صح لسانك اخوي وابو حمد مايقلل فالشعار مثل ماقللت الله يديك

وشعار المنتدى فيهم الخير والبركه وإنت كذالك . لكن ماكان ودي بديت بهذا المبداً


مبداك لا يجمل مع احترامي لشخصك


صح لسانك ولاهنت

[سعد بن صنوين]

شاكرك علي مرورك وتعقيبألما قلت انا برد عليك ببيوت وشاكرلك

ماقلت بشعار نمى وشكه
والكل منهم بلقى فاطنلي
لاكن علي ما قلت والشعر حنكه
وابي محمد لافضى يلتفتلي
ماكل شاعر يستويلي بحبكه
وماكل بيتن لابدى هل وبلي
تعبت من ردن يجي فيه ربكه
ابي ردودن تلتهب لاطرتلي

وسلامتك...

[سلطان المري]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه جيتك وبابك تصكه = ياكيف تنقض ياسعد جاك فتلي
الفعل فعلك يوم راسك تعكه =ويم المخايل تلتفتله وتتلي
أحدِ على المسواط ظهره يحكه=يوم ان مسواط المشاريه يصلي
خل الشعور بداخلك لا تفكه = دامك مع قروم الرياجيل صطلي
[/poem]

[ألاداره]

اقتباس المشاركة الأصلية كتبت بواسطة سلطان المري [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] البارحه جيتك وبابك تصكه = ياكيف تنقض ياسعد جاك فتلي الفعل فعلك يوم راسك تعكه =ويم المخايل تلتفتله وتتلي أحدِ على المسواط ظهره يحكه=يوم ان مسواط المشاريه يصلي خل الشعور بداخلك لا تفكه = دامك مع قروم الرياجيل صطلي [/poem]

هههههههه الرد قوي

صح لسانكم جمييع

[صاحبة سمو]

نو كومنت

صح السانكم

احس انها بتصك حوشه هع

[العقاب]

صح السنتكم ولاهنتم

[سعد بن صنوين]

صح الله السانك علي كل ركه
واشكر احاسيسك وفزعتك يلي
جاريتني والرد مافيه فكه
وبليتني وكني عليك متبلي
ماجيت اشق اثوب لك واتشكه
وما قلت يا سلطان هرجن مولي
خصيت من بد المجرات فلكه
وهوى علي اشهاب غادي ومبلي
هو يحسبنه ذبني وسط وعقكه
وانا لغفته قبل لا يلتغفلي
الشعر افره يلخوي فر بنكه
ومرات اخلي الشعر ينزلي مضلي

وشاكركم علي المرور.....

[سلطان المري]

صح لسانك اخوي سعد... شاعر جزل ونتشرف بتواجدك بينننا

اتتمنى التوفيق يالغالي

[نويـــــر]

صح لسآآنك أخوي سعدبن صنوين
شاعر ولافيك كلام
ننتظر الرد !!!!

تحيتي..