عزة نفس

[سااهر]

.
.
.

بقايا دمع في عيني تحدى لحظة المأساة
حلف ما ينهمل من عين مازال النظر فيها

بقايا دمع لا ماسال من عين بكت بسكات
بوقت ما تلام العين لو هليت صافيها

حبست الدمع والقلب اختنق في زحمة الاهات
كتمت بصدري الونات لوماني بقاويها

دموعي,, لو تحدرتي من عيوني على الوجنات
بقت نار بقلبي ما هقيت الدمع يطفيها

غزير الدمع ما ينفع,, ولا تنفعني الونات
جروح القلب ينزف دمها يا من يداويها

عزاي ان الصبر موجود لو راحت سنين وجات
عزيز النفس مالمت الليالي والعزا فيها

انا مهما تجرحني سنين ما ابكي اللي فات
طموحي حي وآمالي تموت اعود احييها

عذرت العين والعين اعذرتني يوم دمعه مات
قبل لا ينهمل من عين مازال النظر فيها

..
.
#شعر
حمود التميمي

.

 

 

 

 

 

 

 

 

توقيع : سااهر

[ماجد الشيباني]

صح لسانك واعتلى شانك
قصيده جزله

[سااهر]

سلمك الله وحفظك يالحبيب ماجد
-
رشيد

[بلقيس*]

جميله ومعبره هل القصيده
وتسلم يمين شاعرها
ويسلم ذوقك اخوي ساهر امتعتنا بها

تحياتي وتقديري .

[سااهر]

اشكرك شكر جزيل بلقيس
حفظك الله