أكــبـــــــــــــر قـضـيـه

[رشيد]

====

مبروك بن سالم بن ماضي

====

تسهّرين جْفون غيرك ثمٍ اتروحي تنامي

والشقا مكتوب عقبك بس للنفس الشقيّه

لي متى والجرح في قلب المتيَّم فيك دامي

كل ماجا يندمل جت مِنْك لي أخبار سيّه

كيف ابتناساك واسلى ياحياتي ياغرامي

دام حبك شغلي الشاغل ولي أكبر قضيّه

صدقيني مايموت الحب دام القصد سامي

بالوفا تبقى المشاعر دايما في القلب حيّه

كل ماطالعت بوجوه البشر شفتك أمامي

قلت تكفى يازمن بالله توقف لي شويّه

خلني أسعد بشوفت من لها الخّفاق ظامي

قبل مايجري علي في بعدها سهم المنيّه

أمسي احلم طول ليلي فيك ياغاية مرامي

ماانتهى المشهد معي مازال للقصه بقيّه

من يقول إنك غديتي ماتثيرين اهتمامي

أعتقد جاهل بحبي لك ولاعنده دريّه

لا تعيشين بظنونك لاتشكّين بكلامي

دامني لك قلت أحبك فالمحبه سرمديّه

فوق حبي لك مع التقدير فائق احترامي

وأقبلي مني بعد أجمل سلامي والتحيّه

عقب ماشفتك نسيت الناس مره والأسامي

صرتِ انتِ التاليه بالذاكره والأوليّه

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[أم عمر]

رشيد

دائما متميز في الانتقاء سلمت يمناك على روعة طرحك الراقي

صح لسان شاعرها ولا هنت


تحيتي وتقديري